Një person është arrestuar në Mitrovicën e Veriut derisa janë konfiskuar municion dhe drogë, shkruan Gazeta dhe Agjenccia KFVA.
Kështu ka njoftuar Policia e Kosovës, derisa tha se i arrestuari me urdhër të prokurorit është dërguar në mbajtje për 48 orë.
Njoftimi i plotë:
Njësia e DHTN-s Mitrovice Veri në asistim edhe te Regjionit Mitrovica e Veriut, pas informatave të marra nga tereni për posedim të narkotikeve, rreth orës 11:00 kanë kontrolluar banesën e të dyshuarit M. J. i lindur me 2001, ku dhe kanë konfiskuar jelekë antiplumb, municion dhe drogë. Ndërsa i dyshuari është dërguar në ndalim për 48 orë.
Gjatë kontrollit ne banesë janë gjetur dhe konfiskuar dëshmitë si vijon: Dy copë jelek taktik antiplumb, Një gas mask, 14 Karikator te Ak/47, 256 Fishek te Ak/47, 24 Fishek 7.62 mm dhe Substance e dyshuar narkotike me pesh rreth 1 gram.
I dyshuari është dërguar ne Stacionin Policor Mitrovice Veri, për procedura te mëtejme.
Ne lidhje me rastin është njoftuar Prokurori kujdestar i P.TH Mitrovice i cili udhëzon qe rasti te iniciohet dhe i dyshuari dërgohet ne ndalim për 48 orë.