Presidenti i SHBA-së, Donald Trump, deklaroi se “Kuba është e radhës” gjatë një fjalimi në një forum investimesh në Miami, ku ai theksoi sukseset e operacioneve ushtarake amerikane në Venezuelë dhe Iran.
Edhe pse nuk specifikoi saktësisht se çfarë planifikon të bëjë me kombin ishullor, Trump ka theksuar vazhdimisht se beson që qeveria në Havanë, e përballur me një krizë të rëndë ekonomike, është në prag të kolapsit.
Në javët e fundit, administrata e tij ka hapur negociata me pjesë të udhëheqjes kubaneze, ndërsa vetë Trump ka sugjeruar se një opsion ushtarak nuk përjashtohet.
“Ndërtova një ushtri të shkëlqyer. Thashë, ‘Nuk do të duhet ta përdorni kurrë’. Por ndonjëherë duhet ta përdorni. Dhe Kuba është e radhës, meqë ra fjala. Por bëni sikur nuk e thashë këtë. Bëni sikur nuk e thashë”, tha Trump.
