Diplomati estonez, Aivo Orav, përfundoi mandatin e tij si ambasador i Bashkimit Evropian në Kosovë, duke lënë pas një vit të angazhimeve diplomatike dhe bashkëpunimit me institucionet vendore, transmeton Kosova Free Voice Agency.
Ai ndau momentin e lamtumirës me ndjekësit në X, ku publikoi një fotografi nga aeroporti i Prishtinës teksa po largohej nga vendi.
“Gjitha të mirat, Kosovë”, shkroi Orav në mbishkrimin e fotografisë lamtumirës.
Orav mori detyrën si shef i Zyrës së BE-së në Kosovë në shtator të vitit 2024, nga Tomasz Szunyog. Gjatë mandatit të tij, ai ka qenë pjesëmarrës në çështje të rëndësishme diplomatike dhe politike që lidhen me zhvillimet në Kosovë.
