Në një nga netët më të rëndësishme të muajit të shenjtë të Ramazanit, kompania e mishit Buquku ka dëshmuar edhe një herë se humanizmi dhe solidariteti janë pjesë e pandashme e filozofisë së saj.
Sonte, kompania ka ndarë 10 pako me produkte të mishit për 10 familje në nevojë në Drenicë, me qëllimin që këto familje ta presin Festën e Bajramit me sofrat plot dhe me më shumë gëzim në shtëpitë e tyre.
Ky gjest nuk është një veprim i rastësishëm. Buquku prej vitesh ka ndërtuar një traditë të ndihmës dhe mbështetjes për familjet në nevojë, sidomos në prag të festave, duke dëshmuar se biznesi mund të jetë jo vetëm i suksesshëm, por edhe me përgjegjësi të lartë shoqërore.
Me këtë veprim, kompania edhe një herë dëshmon se suksesi i vërtetë matet jo vetëm me punë dhe prodhim, por edhe me dorën e zgjatur për ata që kanë më shumë nevojë.
Në një kohë kur solidariteti është më i nevojshëm se kurrë, iniciativa të tilla e bëjnë më të fortë frymën e komunitetit dhe rikujtojnë se vlerat e Ramazanit jetojnë përmes veprave konkrete.
Falë këtij kontributi, 10 familje në Drenicë do ta presin Bajramin me më shumë shpresë dhe me sofrën e begatë, ndërsa shembulli i kompanisë Buquku mbetet një model i humanizmit që meriton vlerësim.
