Një person është gjetur pa shenja jete mbrëmjen e sotme në Prishtinë.
Zëdhënësi i Policisë për rajonin e Prishtinës, Enis Pllana, ka thënë se rreth orës 19:00 është pranuar informata se në rrugën “Xhelal Hajda” ndodhej një person i pa shenja jete.
Menjëherë pas pranimit të informatës, njësitë policore kanë dalë në vendin e ngjarjes, ku kanë konstatuar se viktima është mashkull.
Vdekja e tij është konfirmuar nga ekipi mjekësor në vendin e ngjarjes.
Ai ka bërë të ditur se hetimet kanë nisur për të sqaruar plotësisht rrethanat e rastit.
“Policia ka filluar me hetimin e rrethanave për sqarimin e plotë të rastit.”, tha Pllana.
