Një tërmet me magnitudë 4.8 sipas shkallës Richter ka goditur Kosovën mbrëmjen e së martës.
Lëkundja është regjistruar në orën 22:05, në një thellësi prej rreth 10 kilometrash, me epiqendër në zonën e Shtërpcës. Tërmeti është ndier në pjesën më të madhe të vendit.
Mediat lokale në Prizren kanë publikuar pamje nga momenti i tërmetit. Në to shihet se si qeni e paralajmëroi pronarin për tërmetin që po vinte.
Agjencia e Menaxhimit Emergjent (AME) ka theksuar se kjo ngjarje konfirmon se zona e Prizrenit është zonë sizmogjene aktive, ashtu siç parashihet edhe në Hartën e Rrezikut Sizmik për Kosovën.
