Paraditen e së hënës Prokuroria Speciale e Kosovës ka kryer bastisje në ndërmarrjen publike “Eko Regjioni” në Prizren.
Në njoftim, Prokuroria bën të ditur se janë arrestuar dy persona. Njëri nga ta dyshohet për veprën penale “Keqpërdorim i pozitës apo autoritetit zyrtar”, ndërsa tjetri për veprën penale “Keqpërdorimi dhe Mashtrimi në prokurimin publik”.
Bastisje janë kryer edhe në një subjek privat në Ferizaj
Gjatë kontrollit, janë sekuestruar para dhe një Ak-47.
Njoftimi i plotë:
Arrestohen dy të dyshuar për keqpërdorim në prokurorim publik
Prishtinë, 26 janar 2026 – Me urdhër të Prokurorisë Speciale të Republikës së Kosovës, të hënën në mëngjes janë arrestuar A.G dhe R.Z.
A.G dyshohet për veprën penale “Keqpërdorim i pozitës apo autoritetit zyrtar nga neni 414 paragrafi 1, lidhur me nenin 31 të KPRK-së”, ndërsa R.Z për “Keqpërdorimi dhe Mashtrimi në prokurimin publik nga neni 415 paragrafi 3 lidhur me paragrafin 1 të KPRK-së”.
Hetuesit policorë kanë kryer bastisje në disa lokacione në Prizren dhe në Ferizaj, përfshirë ambientet e ndërmarrjes publike “Eko Regjioni” si dhe të një subjekti privat.
Urdhër kontrolli është realizuar si një hap i rëndësishëm procedural, në kuadër të hetimeve që Prokuroria Speciale e Republikës së Kosovës është duke i zhvilluar lidhur me dyshimet për një aktivitet të tenderimit.
Gjatë zbatimit të urdhër kontrollit, në mesin e provave janë gjetur dhe sekuestruar një pushkë automatike AK-47 si dhe para të gatshme.
Prokuroria Speciale dhe Policia e Kosovës, ritheksojnë përkushtimin në luftën kundër korrupsionit.
