Udhëheqësja e opozitës venezueliane, María Corina Machado, ia ka dhuruar medaljen e saj të Çmimit Nobel për Paqe presidentit Donald Trump gjatë një takimi në Shtëpinë e Bardhë, duke thënë se kjo ishte një shenjë mirënjohjeje për angazhimin e tij ndaj lirisë së vendit të saj, raporton BBC, përcjell KFVA.
“Mendoj se sot është një ditë historike për ne venezuelianët,” tha ajo pasi u takua personalisht me Trump për herë të parë, disa javë pasi forcat amerikane arrestuan presidentin venezuelian Nicolás Maduro në Caracas dhe e akuzuan atë në një çështje për trafik droge.
Trump shprehu mirënjohjen e tij në një postim në rrjetet sociale, duke thënë se ky veprim ishte “një gjest i mrekullueshëm respekti të ndërsjellë”.
Megjithatë, presidenti amerikan ka refuzuar ta mbështesë Machado-n si udhëheqësen e re të Venezuelës, pavarësisht se lëvizja e saj pretendon fitore në zgjedhjet e vitit 2024, të cilat ishin gjerësisht të kontestuara.
