kfvanews
Përballë kushteve të rënda atmosferike dhe vërshimeve të shkaktuara nga reshjet intensive të shiut në rajonin e Mitrovicës jug, Policia e Kosovës ka intervenuar duke evakuuar me barkë një familje katër anëtarëshe të rrezikuar.
Sipas njoftimit të Policisë, në koordinim të plotë me Drejtorinë e Emergjencave në Mitrovicë – Jugu dhe ekipet e tjera për shpëtim, Njësia e Kontrollit të Kufirit Ujor (NJKKU) ka ndërhyrë me vendosmëri dhe ka realizuar evakuimin e sigurt të familjes nga shtëpia e tyre në rrugën “2 Korriku”, e cila ishte e bllokuar nga vërshimet.
Ky veprim tregon angazhimin e Policisë së Kosovës përtej misionit të saj kushtetues për ruajtjen e rendit publik dhe garantimin e sigurisë, duke ofruar mbrojtje të drejtpërdrejtë për jetën dhe mirëqenien e qytetarëve në situata emergjente.
Policia e Kosovës thekson se mbetet në terren dhe e gatshme të reagojë për të ndihmuar çdo qytetar në nevojë dhe për të ofruar mbështetje për institucionet e tjera përgjegjëse në menaxhimin e situatave emergjente.
Komunikata e plotë:
Policia e Kosovës me barkë shpëtimi evakuon një familje të bllokuar nga vërshimet në Mitrovicë
Prishtinë, 8 janar 2026
Sot, më 08.01.2026, përballë kushteve të rënda atmosferike dhe vërshimeve të shkaktuara nga reshjet intensive të shiut në rajonin e Mitrovicës jugu, Policia e Kosovës ka dëshmuar edhe një herë përkushtimin, profesionalizmin dhe humanizmin e saj.
Në koordinim të plotë me Drejtorinë e Emergjencave në Mitrovicë – Jugu, dhe ekipet tjera për shpëtim, Njësia e Kontrollit të Kufirit Ujor (NJKKU) e Policisë ka ndërhyrë me vendosmëri duke realizuar evakuimin e sigurt të një familjeje katër anëtarëshe, e cila ishte e rrezikuar dhe e bllokuar në shtëpinë e saj nga vërshimet, në rrugën “2 Korriku” në Mitrovicë jug.
Ky veprim është dëshmi e qartë se Policia e Kosovës, përveç misionit të saj kushtetues për ruajtjen e rendit publik, garantimin e sigurisë dhe mbrojtjen e sovranitetit, është drejtpërdrejt e angazhuar në mbrojtjen e jetës dhe mirëqenies së qytetarëve, sidomos në situata emergjente kur vendi përballet me rreziqe natyrore.
Policia e Kosovës mbetet në terren, e gatshme të reagojë dhe të ndihmojë çdo qytetar në nevojë si dhe të ofrojë ndihmën e nevojshme për institucionet tjera përgjegjëse për menaxhimin e situatave emergjente dhe ekipet tjera për shpëtim.
