Presidentja Vjosa Osmani ka dalë me reagim pas situatës me vërshimet që po përballen disa komuna të vendit.
Osmani ka thënë se gjatë ditës ka qenë në komunikim me kryetarët e komunave të prekura, duke shtuar se FSK është në gatishmëri për ofrimin e mbështetjes së menjëhershme nëse paraqitet nevoja, shkruan KFVA.
E para e vendit ka deklaruar se situata kërkon kujdes maksimal, teksa u ka bërë thirrje qytetarëve të tregojnë vigjilencë dhe të respektojnë me përpikëri udhëzimet e institucioneve kompetente.
“Agjencia për Menaxhimin e Emergjencave po punon pareshtur bashke me organet e rendit. Falënderoj edhe Forcën e Sigurisë së Kosovës për gatishmërinë e plotë për ofrimin e mbështetjes së menjëhershme, duke vënë në dispozicion kapacitetet e saj njerëzore dhe logjistike, nëse paraqitet nevoja”, ka shkruar Osmani.,
Ajo ka shprehur mirënjohje për të gjitha institucionet dhe qytetarët që, përballë reshjeve të dendura dhe vërshimeve të sotme, po reagojnë me përgjegjësi, profesionalizëm dhe solidaritet në mbrojtjen e jetës dhe pronës.
Deri tash, Juniku dhe Malisheva kanë shpallur gjendje emergjente pas vërshimeve.






