Venezuela është kampione botërore në rezervat e dëshmuara të naftës, me një sasi prej rreth 303 miliardë fuçi. Kjo e vendos atë shumë përpara vendeve të tjera me burime të mëdha si Arabia Saudite (267 miliardë fuçi) dhe Irani (208 miliardë fuçi), përcjell Gazeta KFVA.
Megjithatë, pavarësisht këtyre rezervave kolosale, prodhimi i naftës së Venezuelës në vitin 2024 ra nën një milion fuçi në ditë, një nivel shumë më i ulët krahasuar me fuqitë kryesore botërore në prodhim, si Shtetet e Bashkuara (rreth 13 milionë fuçi në ditë) dhe Rusia (rreth 9 milionë fuçi në ditë).
Kjo tregon një hendek të madh mes potencialit natyror dhe realitetit ekonomik dhe teknik në vend.
Vende të tjera me rezerva të konsiderueshme janë Rusia (80 miliardë fuçi), Libia (48 miliardë fuçi), dhe Shtetet e Bashkuara (45 miliardë fuçi).
