Komisioni Qendror i Zgjedhjeve, ka njoftuar se kanë nisur numërimin e mbi e fletëvotimeve në 29 përfaqësitë diplomatike.
Kështu ka bërë të ditur zëdhënësi i Komisionit Qendror të Zgjedhjeve, Valmir Elezi, në një konferencë për media.
“Nga 19,187 shtetasit e regjistruar, kanë votuar 16,165 prej tyre apo 84.24% dhe të gjithakëto fletëvotime do t’i nënshtrohen numërimit. Pas përfundimit të numërimit të fletëvotimeve nga votimi fizik në përfaqësitë diplomatie, do të vazhdojmë me numërimin e fletëvotimeve nga votimi përmes postës, që deri më tani janë tërhequr nga dy kutitë postare jashtë vendit, ajo në Berlin (Gjermani) dhe në Bernë (Zvicër)”, tha ai.
Numërimi i votave të rregullta tashmë është duke shkuar drejt fundit. Aktualisht janë numëruar mbi 90 përqind e tyre.
Pas verifikimit mbi 90 për qind të votave, Lëvizja Vetëvendosje është e para me 49,34%, e pasuar nga Partia Demokratike e Kosovës me 20,98% , Lidhja Demokratike e Kosovës me 13,57% dhe Aleanca për Ardhmërinë e Kosovës që kalon pragun.
