kfvanews
Mot i acartë po parashihet të mbretëroj ditën e fundit të vitit 2025, më 31 dhjetor dhe më 1 janar të vitit 2026.
Temperaturat mbesin nën 0C në të dy vlerat ekstreme ditën e mërkurë, më 31 dhjetor, me minimale që zbresin deri në -6C e -8C, ndërsa maksimalet në Prishtinë arrinë në -2C e -1C, derisa pjesëve të Dukagjinit mund të shkojnë deri në 1C e 2C.
Në Prishtinë, do të jetë ditë të akullt. Parashihen më shumë intervale me diell. Pasdite me kalime vransirash, viseve kodrinoro malore në lindje e veri të vendit, nuk përjashtohet mundësia për ndonjë fjollë apo rrebesh i dobët dëbore. Frynë erë e ftohtë veriperëndimore, e lehtë dhe mesatare 4-9m/s.
Kthjellime do të na përcjellin në natën e ndërrimit të motmoteve, por se temperatura mjaft të ulëta, që deri në mëngjesin e 1 janarit, zbresin deri në -10C.
Ditën më pas parashihet të mbretëroj mot kryesisht me diell, ndërkohë që temperatura maksimale mund të shënojë rritje në 1C e 3C.
Të premten, pas mëngjesit me ngrica, ditën pak më butë, me maksimale që shkojnë deri në 5C e 7C. Kalojnë më shpesh vransira e më vonë mund të ketë edhe riga lokale shiu.
Fundjava e parë e janarit, do të dominohet nga vransira, që herë pas here shoqërohen me të reshura shiu.
Temperaturat në rritje deri në 8C e 11C, maksimalet, ndërsa minimalet rriten mbi 0C, deri në 4C e 5C. Përgjatë fundjave erërat frynë nga jugu e juglindja, mesatare 5-12m/s, njofton Mendimi për Motin.
