Kryeministri në detyrë Albin Kurti ka bërë të ditur se Qeveria do të ndajë nga 100 euro për fëmijët dhe pensionistët.
Në një postim në Facebook ka shkruar se mosvotimi i buxhetit ua ka vështirësuar punën.
“Sikurse çdo vit, edhe sivjet kemi vendosur të mbështesim fëmijët dhe pensionistët me shtesat e fundvitit prej 100 eurove. Mosvotimi i buxhetit nga opozita na e ka vështirësuar punën tejmase, mirëpo ne e kemi bërë të pamundurën që edhe këtë vit të sigurojmë mbështetjen e fundvitit, e cila do të procedohet para natës së Vitit të Ri. Urime festat e fundvitit, dhe t’i gëzoni bashkë me familjet tuaja”, ka shkruar Kurti.
