kfvanews
Agjencia e inteligjencës së Ukrainës ka njoftuar se Dronët ukrainas kanë shënjestruar 2 avionë luftarakë rusë Su-27 në Krime, shkruan Gazeta KFVA.
Belbek është një aeroport ushtarak rus në Krime që ndodhet pranë Sevastopolit që shtë përdorur nga forcat ruse si një qendër kyçe për vendosjen e avionëve luftarakë dhe pozicionimin e aseteve të mbrojtjes ajrore në gadishull, brenda të cilit u goditën dy avion.
“Dronët me rreze të gjatë veprimi të Qendrës së Operacioneve Speciale Alpha të SBU-së goditën dy avionë Su-27 në aeroportin ushtarak rus në Belbek, Krimenë e pushtuar përkohësisht. Njëri nga aeroplanët ishte në një pistë taksish me një ngarkesë të plotë luftarake dhe gati për një sulm luftarak – u shkatërrua”, shkroi SBU në Telegram.
Tutje inteligjenca ukrainase tha se kostoja e kombinuar e dy avionëve vlerësohet në rreth 70 milionë dollarë. Gjithashtu tha se kulla e kontrollit të aeroportit u godit, gjë që “mund të ndërlikojë organizimin dhe kontrollin e fluturimeve në aeroport”.
“Ky është tashmë sulmi i dytë i suksesshëm i SBU-së në aeroportin e Belbek në ditët e fundit. Më 18 dhjetor, dronët tanë goditën pajisje ruse me vlerë qindra milionë dollarë – duke përfshirë dy radarë Nebo-SVU, një radar 92N6 të sistemit S-400 Triumph, një sistem mbrojtjeje ajrore Pantsir-S2 dhe një avion MiG-31 me një ngarkesë të plotë luftarake”, shtoi agjencia.
Sulmet në aeroportet kryesore ruse dhe shkatërrimi i avionëve dhe sistemeve të mbrojtjes ajrore në Krime “zvogëlojnë ndjeshëm potencialin ushtarak të armikut në rajon”, tha agjencia./KFVA/
