kfvanews
Presidenti i Shteteve të Bashkuara, Donald Trump, ka njoftuar këtë të premte një marrëveshje historike me nëntë kompani të mëdha farmaceutike për uljen e çmimeve të ilaçeve. Kjo masë synon të lehtësojë kostot për programin Medicaid, që mbështet qytetarët me të ardhura të ulëta, si dhe për pacientët që paguajnë me para në dorë.
Sipas administratës amerikane, marrëveshjet do të sjellin “kursime masive” për ilaçet më të përdorura, duke e afruar çmimin e tyre me nivelin e vendeve të tjera të pasura. Aktualisht, pacientët amerikanë paguajnë deri në trefish më shumë për barnat krahasuar me vendet e zhvilluara.
Detajet kryesore të marrëveshjes:
Siç shkruan Reuters, kompanitë do të ofrojnë çmime të barabarta me ato të vendeve të tjera të pasura për barnat e reja.
Merck do të shesë ilaçet për diabet Januvia dhe Janumet me ulje deri në 70% për konsumatorët amerikanë. Kompanitë do të investojnë mbi 150 miliardë dollarë në kërkim dhe prodhim brenda SHBA-ve. Disa kompani do të dhurojnë përbërës ilaçesh për rezervën strategjike amerikane.
Në këmbim, ato do të përfitojnë përjashtim trevjeçar nga tarifat doganore.
Pfizer, AstraZeneca, Eli Lilly, Novo Nordisk dhe EMD Serono kishin arritur marrëveshje më herët, ndërsa Regeneron, Johnson & Johnson dhe AbbVie pritet të ndjekin të njëjtën rrugë.
Analistët theksojnë se Medicaid përfaqëson vetëm rreth 10% të shpenzimeve për ilaçe në SHBA, por uljet e çmimeve pritet të kenë ndikim të ndjeshëm edhe në tregun më të gjerë.
