Presidenti ukrainas, Volodymyr Zelensky ka deklaruar se ka shkuar personalisht në Kupyansk për t’i treguar botës se Putini po gënjen. Ai theksoi se shkoi në frontin e Kupyansk dhe u takua me ushtarët ukrainas të cilët i përgëzoi për punën e tyre.
“Falënderoj çdo njësi, të gjithë ata që po luftojnë këtu dhe të gjithë ata që po shkatërrojnë pushtuesin”, tha ai.
Zelensky shkoi në Kupyansk, një qytet strategjikisht i rëndësishëm në rajonin e Kharkiv, 3 ditë më parë, ndërsa Moska pretendoi se trupat ruse kishin marrë kontrollin e qytetit.
Kremlini pretendoi se videoja e Zelensky-t në Kupyansk është filmuar më 23 shkurt 2022, një ditë para fillimit të pushtimit rus.
