kfvanews
Nën ndikimin e vazhdueshëm të presionit të lartë atmosferik, vendi ynë do të përballet edhe në ditët në vijim me mjegull të dendur dhe persistente, e cila pritet të reduktojë ndjeshëm dukshmërinë, sidomos gjatë orëve të mëngjesit dhe mbrëmjes.
Menaxheri i departamentit meteorologjik në KANS, Sherif Gosalci ka thënë se sipas parashikimeve aktuale, moti do të nisë të ndryshojë në pjesën e dytë të javës që vjen, kur pritet një depërtim i masave më të ftohta ajrore. Ky ndryshim do të shoqërohet me reshje bore në shumë zona të vendit, duke krijuar kushte për një fundvit të bardhë.
Sipas Gosalcit, zhvillimet aktuale preliminare sinjalizojnë edhe një valë të fortë acari, me rënie të ndjeshme të temperaturave. Në disa rajone, termometri mund të zbresë deri në -20°C, duke sjellë temperatura me karakteristika polare.
“Nën ndikimimin e presionit të lartë atmosferik, mjegulla do të vazhdojë edhe ditëve në vijim të jetë persistente në vendin tonë dhe më gjerë.
Mot i ndryshueshëm dhe me reshje bore pritet në pjesën e dytë të javës që vjen.
Zhvillimet aktuale preliminare, na paralajmërojnë për një ndërrim të motmoteve me reshje bore dhe acar që mund të përshkohet me temperatura polare edhe deri – 20°C!”, ka shkruar Gosalci.
