Volodymyr Zelenskyy ka thënë se është gati të mbajë zgjedhje në kohë lufte brenda tre muajve të ardhshëm, nëse parlamenti i Ukrainës dhe aleatët e huaj do ta lejojnë këtë, pasi Donald Trump e akuzoi atë se po mbahet fort pas pushtetit.
Zelenskyy, tha se “kjo është një pyetje për popullin e Ukrainës, jo për njerëzit nga shtetet e tjera, me gjithë respektin e duhur për partnerët”.
Megjithatë, ai premtoi të shqyrtojë rrugët për mbajtjen e një votimi në muajt e ardhshëm. “Meqenëse kjo pyetje ngrihet sot nga presidenti i Shteteve të Bashkuara të Amerikës, partnerët tanë, do të përgjigjem shumë shkurt: shikoni, unë jam gati për zgjedhje”, tha Zelenskyy të martën në mbrëmje.
“Për më tepër, po i kërkoj… Shteteve të Bashkuara të më ndihmojnë, ndoshta së bashku me kolegët evropianë, për të siguruar sigurinë e zgjedhjeve, dhe pastaj në 60 deri në 90 ditët e ardhshme Ukraina do të jetë gati të mbajë zgjedhjet. Unë personalisht kam vullnetin dhe gatishmërinë për këtë”, shtoi ai.
Trump i bëri komentet në një intervistë të gjatë me Politico të botuar më herët të martën. «Ata nuk kanë pasur zgjedhje për një kohë të gjatë», tha presidenti i SHBA-së. «E dini, ata flasin për demokraci, por arrin në një pikë ku nuk është më demokraci».
