• 1 Dhjetor 2025 00:40

Medalje e argjendtë botërore për karateistin kosovar Islam Selmani

Nën 30, 2025

Karateisti kosovar Islam Selmani është shpallur nënkampion bote në kategorinë deri në 60 kilogramë, në Kampionatin Botëror të Karatesë që po zhvillohet në Kajro.

Në finalen e madhe, Selmani u përball me turkun Eray Samdan, një prej emrave më të fortë të karatesë botërore. Pas një dueli tejet të ashpër, ai e mbylli garën si i dyti në botë, duke siguruar medaljen e argjendtë.

Një ditë më parë, Selmani kishte siguruar kualifikimin në finale me një paraqitje mbresëlënëse në gjysmëfinale, ku triumfoi bindshëm 9:1 ndaj uzbekistanasit Mekhriddin Turakhonov.

Me këtë arritje, Islam Selmani bëhet karateisti i parë nga Kosova që fiton një medalje të argjendtë në kampionatin botëror, duke shënuar një nga sukseset më të mëdha në historinë e sportit kosovar