Ministria e Punëve të Jashtme dhe Diasporës ka konfirmuar se në orët e para të mëngjesit është arrestuar nga autoritetet serbe në pikën kufitare të Dheut të Bardhë shtetasi i Kosovës, Nexhat Pireva, ish-polic për rreth 14 vite, shkruan KFVA.
Ai po udhëtonte drejt Bujanocit së bashku me bashkëshorten dhe fëmijët e tij.
Pas rreth katër orësh marrje në pyetje, Pireva është liruar dhe aktualisht ndodhet në liri.
MPJD ka dënuar veprimet e autoriteteve serbe, duke i vlerësuar si keqtrajtim ndaj qytetarëve të Kosovës dhe në kundërshtim me marrëveshjet mes dy vendeve.
Ministria u ka bërë thirrje qytetarëve që të shmangin kalimin përmes Serbisë deri në njoftimin e radhës.
Njoftimi i plotë:
Ministria e Punëve të Jashtme dhe Diasporës konfirmon se në orët e para të mëngjesit të sotëm, Nexhat Pireva, shtetas i Republikës së Kosovës nga Kamenica dhe ish-pjesëtar i Policisë së Kosovës për rreth 14 vite, është arrestuar nga autoritetet serbe në pikën kufitare të Dheut të Bardhë.
Ai po udhëtonte drejt Bujanocit së bashku me bashkëshorten dhe fëmijët e tyre.
Pas marrjes në pyetje për rreth katër orë, z. Pireva është liruar dhe aktualisht ndodhet në liri.
Ministria e Punëve të Jashtme dhe Diasporës dënon veprimet e vazhdueshme të autoriteteve serbe, të cilat përbëjnë keqtrajtim të shtetasve të Republikës së Kosovës dhe janë në kundërshtim me marrëveshjet e nënshkruara mes dy shteteve.
MPJD u bën thirrje qytetarëve të Republikës së Kosovës që të shmangin kalimin përmes territorit të Serbisë deri në informacione të mëtejshme, për të siguruar mbrojtjen e tyre