Një person është lënduar nga të shtënat me armë zjarri në rrugën “Dardania” në Fushë-Kosovë.
Flora Ahmeti, zëdhënëse për media për rajonin e Prishtinës ka thënë se janë duke u kryer hetime rreth këtij rasti.
Të shtënat me armë kanë ndodhur rreth orës 16:00.
“Rreth orës 16:00 kemi marrë informatën për të shtëna me armë zjarri, në rrugën Dardania në Fushë Kosovë. Njësitet policore menjëherë kanë dalë në vendin e ngjarjes, nga ku raportohet për një person të lënduar”.
“Aktualisht hetuesit policor kanë nisur një hetim lidhur me rrethanat e këtij rasti”, ka thënë Ahmeti.