Ernest Muçi është kthyer në yllin në rritje të Superligës së Turqisë. Dy supergolat ndaj Istanbul Basaksehir, që i dhanë fitoren në limite Trabzonsporit javën e kaluar janë pasuar nga një magji në ndeshjen e sotme përballë Konyaspor.
Kuqeblutë triumfuan këtë të shtunë në ndeshjen e luajtur në shtëpi me rezultatin 3-1 dhe sulmuesi nga Tirana shënoi një perlë nga goditja e dënimit, në një kënd tepër të vështirë, në javën e 14-të të Superligës.
Muçi e ekzekutoi mjeshtërisht goditjen e dënimit duke goditur nga një kënd shumë i ngushtë nga e majta, në cepin e largët, dhe topi goditi shtyllën dhe përfundoi në rrjetë.
Pavarësisht se skuadra e Çağdaş Atan shënoi golin e parë në fillim të ndeshjes, Trabzoni fitoi me golat e Onuachu dhe Muçi.