Mërgim Lushtaku i PDK-së, ka reaguar pasi Specialja mbajti seancë për Hashim Thaçin me 28 nëntor, Ditën e Flamurit.
Lushtaku tha se mbajtja e seancës gjyqësore sot, më 28 nëntor, në një ditë pushimi për institucionet gjyqësore të Kosovës, është një tjetër dëshmi se Gjykata Speciale është e ndikuar dhe politikisht e manipuluar.
“Është e papranueshme që kjo Gjykatë, që pretendon të jetë institucion i drejtësisë, vazhdimisht po tenton të cënoj dinjitetin e krerëve të UÇK-së që gjenden në Hagë” shkruan Lushtaku në Facebook.
Reagimi i plotë:
Në Ditën e Kombit, Specialja Provon Përsëri Të Ulë UÇK-në!
Mbajtja e seancës gjyqësore sot, më 28 nëntor, në një ditë pushimi për institucionet gjyqësore të Kosovës, është një tjetër dëshmi se Gjykata Speciale është e ndikuar dhe politikisht e manipuluar.
Është e papranueshme që kjo Gjykatë, që pretendon të jetë institucion i drejtësisë, vazhdimisht po tenton të cënoj dinjitetin e krerëve të UÇK-së që gjenden në Hagë.
Diskriminimi dhe trajtimi i padrejtë nuk kanë vend në një proces gjyqësor!