Kryetari i Komunës së Prishtinës, Përparim Rama, ka dalë me reagim pasi Kuvendi Komunal miratoi vendimin për bartjen e të hyrave vetanake të kryeqytetit.
Ai ka thënë se bëhet fjalë për 28 milionë euro.
Rama ka thënë se uron që ministri në detyrë, Hekuran Murati, ta mbajë fjalën për alokimin e mjeteve të votuara sot, shkruan KFVA.
“Miratohen në Asamblenë e Kryeqytetit të hyrat e vitit 2024 në vlerë prej 28 milionë euro! Uroj që ministri në detyrë ta mbajë fjalën për alokimin e mjeteve të votuara sot, si dhe për 25m të hyra vetanake dhe 10m grant qeveritar që ende mbahen të bllokuara dhe që nuk kërkojnë asnjë procedurë në Asamble, por vetëm vullnetin e ministrit në detyrë për miratim!”, ka shkruar Murati.
Vendimi u miratua pa asnjë votë kundër.
Tani hapet rruga për pagesën e faturave, si dhe borxhit edhe ndaj Trafikut Urban si dhe operatorëve privatë, që kanë pezulluar punën.