Kuvendi Komunal i Prishtinës ka miratuar vendimin për bartjen e të hyrave vetanake të kryeqytetit, në vlerë 35 milionë euro, shkruan KFVA.
Vendimi është miratuar pa asnjë votë kundër, e veç një abstenim.
“Me 38 për, asnjë kundër. Kalon pika e parë”, tha Kryesuesi.
Tani hapet rruga për pagesën e faturave, si dhe borxhit edhe ndaj Trafikut Urban si dhe operatorëve privatë, që kanë pezulluar punën.
“Do t’i ndihmoj kauzës sonë për me i zhblloku gjërat në kryeqytet”, tha Kryetari Përparim Rama, pas miratimit.
Pika për buxhetin e vitit 2026 u tërhoq nga rendi i ditës, që të votohet nga asamblistët e rinj.