Qeveria në detyrë ka ndarë 250 mijë euro si shpërblim për Kombëtaren e Kosovës, për suksesin e treguar në kualifikimet për Kupën e Botës, që e ka cilësuar si historik.
Në rast të fitores ndaj Sllovakisë, kryeministri në detyrë, Albin Kurti ka premtuar 500 mijë euro tjera shpërblim.
E në rast të kualifikimit për Kupën e Botës, 1 milionë euro tjera, shkruan KFVA.
“Me vendim të Qeverisë, do të ndajmë 250 mijë euro shpërblim. Në fazën e radhës hyjmë më plot votëbesim. Në rast të fitores ndaj Sllovakisë, zotohemi për shpërblim në vlerë 500 mijë euro. Së dyti në rast të kualifikimit në Kupën e Botës, zotohemi edhe për 1 milion euro tjera shpërblim”, ka thënë Kurti.
“Përpara Kosovë, gjithmonë me ty”, ka deklaruaar Kurti.