kfvanews
Asamblistët e Vetëvendosjes do të marrin pjesë në seancën e jashtëzakonshme të Kuvendit Komunal të Prishtinës, e cila do të mbahet më 27 nëntor dhe do të votojnë pro bartjes së të hyrave vetanake të kryeqytetit.
Asamblisti i kësaj partie, Egzon Azemi, ka thënë se është në dorë të Ministrisë së Administrimit të Pushtetit Lokal që të vlerësojë nëse vendimet e Kuvendit janë ligjore apo jo.
Ai tha se si parti nuk kanë qenë asnjëherë bllokuese në Kuvend.
“Është apo jo ligjore, do të vendosin organet e tjera. Grupi ynë do të marrë pjesë në këtë seancë dhe do të votojë për bartjen e mjeteve. Ne asnjëherë nuk kemi qenë bllokues në Kuvend”, ka deklaruar Azemi në KTV.
Ai ka thënë se seanca do të mund të thirrej shumë më herët.
“MAPL-ja është ajo që e vlerëson çdo vendim të Kuvendit nëse është ligjor apo jo. Qëndrimi ynë është që për këtë pikë do të marrim pjesë në seancë. Është një mbledhje e thirurr shumë vonë. Këtë z.Rama ka mundur ta bëjë edhe në muajin tetor, edhe në shtator, kur nuk do të kishte polemika të tilla fare”, tha Azemi.
