Ukraina ka rënë dakord me propozimin e paqes të bërë nga administrata e Donald Trump, së bashku me disa pika të vogla që janë ende duke u harmonizuar.
Kështu raportojnë mediat e huaja, duke iu referuar një zyrtari të lartë amerikan.
Duke folur ndërsa sekretari i ushtrisë amerikane ishte në Abu Dhabi duke zhvilluar takime me zyrtarë rusë rreth propozimit të administratës Trump, zyrtari ukrainas tha: “Ukrainasit kanë rënë dakord për marrëveshjen e paqes. Ka disa detaje të vogla për t’u rregulluar, por ata kanë rënë dakord për një marrëveshje paqeje”, tha ai, siç.
Deklarata e SHBA-së dukej se shkonte më tej se pozicioni publik i zyrtarëve ukrainas, të cilët gjithashtu kanë një delegacion në Abu Dhabi dhe që kanë qenë në kontakt me sekretarin e ushtrisë Dan Driscoll.
Në një postim në X, sekretari ukrainas i sigurisë kombëtare, Rustem Umerov, shkroi se delegacionet kishin “arritur një mirëkuptim të përbashkët mbi kushtet kryesore të marrëveshjes së diskutuar në Gjenevë.”
“Tani llogarisim në mbështetjen e partnerëve tanë evropianë në hapat tanë të mëtejshëm,” shkroi Umerov. Ai shtoi se Ukraina pret të organizojë një vizitë të Zelenskyt në SHBA për të “përfunduar hapat finalë dhe për të bërë marrëveshjen me Presidentin Trump.”
Në një postim në X më herët këtë mëngjes, Zelensky tha: “Pas takimeve në Gjenevë, shohim shumë perspektiva që mund ta bëjnë rrugën drejt paqes reale. Ka rezultate solide, dhe shumë punë na pret ende.”
Ndërkohë, nënkoloneli Jeff Tolbert, tha se bisedimet midis delegacioneve amerikane dhe ruse në Abu Dhabi “po shkojnë mirë dhe ne mbetemi optimistë.”