Shqiptari, Florian Xhekaj pati një debutim që pak lojtarë e guxojnë. Që në ndeshjen e parë me Montreal Canadiens, ai tregoi se nuk kishte ardhur për të qëndruar i heshtur.
Pas një paraqitje tejet pozitive në akull dhe asistit të tij të parë në golin e Josh Anderson për 4-0, erdhi momenti që ndezi krejt sallën: rrahja me Dakota Mermis në periodën e tretë.
Xhekaj hodhi dorashkat pa hezitim dhe u përball me gjithë fuqinë e tij, duke dëshmuar karakter dhe duke marrë brohoritjet e “Bell Centre”. Në një ekip me të luan edhe vëllai i tij, Arbër Xhekaj.