Ditëve të fundit ka pasur një ngritje të drastike të çmimit të vezëve në Kosovë, pas vendimit të AUV-it për ndalimin e importeve të produkteve të shpezëve nga disa vende europiane, shkruan Gazeta KFVA.
Ky vendim ka bërë që vezët të shtrenjtohen tej mase brenda shumë pak ditëve, me disa qytetarë që raportojnë se një paketim prej 30 vezëve kushton rreth 6 euro e gjysmë.
Tash është krijuar një paradoks gati qesharak në këtë situatë jo të favorshme për xhepin e qytetarit: pula është më e lirë se vezët.
Nëse një pulë e ngrirë në dyqane kushton rreth 3 euro, vezët e saj shiten dyfish më shtrenjtë në treg.
Sigurisht, kjo rritje drastike pritet të ulet në momentin kur kalojnë shqetësimet për grip të shpezëve dhe fillon importi nga jashtë, por deri atëherë qytetarët duhet të përballen me vezë dyfish më të shtrenjta sesa ishin para pak javësh.