Presidentja Vjosa Osmani ka nxjerrë vendim për shpërndarjen e Kuvendit, teksa tani pritet të shpallet data e zgjedhjeve të reja. Vendimin e mori pas takimit që mbajti me liderët e partive.
Siç merr vesh Gazeta Online Reporteri.net, gjatë takimit me Presidenten, kreu i VV’së, Albin Kurti dhe ai i partisë “Guxo”, Faton Peci, kanë propozuar si datë për mbajtjen e zgjedhjeve 28 dhjetorin.
Kreu i PDK’së, Bedri Hamza, ai i LDK’së, Lumir Abdixhiku dhe ai i AAK’së, Ramush Haradinaj, kanë anuar ka 21 dhjetori, merr vesh Reporteri.net me burime brenda partive politike.
Ai i Nismës Socialdemokrate, Fatmir Limaj, e ka përmendur si datë 21 dhjetorin ose 11 janarin, teksa ka thënë se zgjedhjet s’mund mbahen më 4 janar apo 28 dhjetor, shkaku i festave të fundvitit.