Komuna e Gjilanit, ka njoftuar se ka rënë niveli i ujit dhe është stabilizuar situata pas ndërprerjes që ka ndodhur për shkak të shiut. Për këtë, kryetari i kësaj komune, Alban Hyseni, ka thënë se po ‘’vazhdon monitorimi i situatës në terren’’.
Hyseni ka bërë edhe thirrje për qytetarët që këta të fundit të lëvizin vetëm kur ka emergjencë dhe që ata të përdorin rrugët e qytetit, e të shmangin ato qarkore.
“Komuna e Gjilanit, mbetet e përkushtuar për të garantuar sigurinë e qytetarëve dhe do të vazhdojë monitorimin e situatës në terren”, ka thënë Hyseni.
Në postimin e komunës së Gjilanit janë ndarë edhe foto nga situata pas reshjeve atje.
Postimi:
Bie niveli i ujit dhe stabilizohet situata pas ndërprerjes së shiut/ Hyseni: Vazhdon monitorimi i situatës në terren
Pas ndërprerjes së shiut, situata është stabilizuar në Komunën e Gjilanit, ku edhe ka rënë niveli i ujit.
Derisa të martën si shkak i reshjeve të shiut me intensitet të lartë në Komunën e Gjilanit, në disa zona u shkaktuan probleme në lëvizjen e qytetarëve dhe automjeteve.
Kryetari i Komunës së Gjilanit, Alban Hyseni, drejtori për Shërbime Publike, Kushtrim Ibrahimi, drejtori për Mbrojtje dhe Shpëtim, Bejtullah Osmani dhe ekipet komunale ishin në terren,
Kryetari i Komunës së Gjilanit, Alban Hyseni, tha se gjatë gjithë ditës së martë, ekipet komunale kanë qenë të angazhuara në terren me kapacitet të plotë, duke monitoruar situatën dhe duke ndërhyrë aty ku ka qenë e mundur për të minimizuar dëmet nga reshjet e shiut.
“Si pasojë e reshjeve me intensitet të lartë, disa zona në komunën tonë kanë hasur vështirësi në lëvizjen e qytetarëve dhe automjeteve”, tha Hyseni.
I pari i Gjilanit, i bënë thirrje të gjithë qytetarëve që të lëvizin vetëm kur ka emergjencë dhe të përdorin rrugët e qytetit, duke shmangur rrugët qarkore dhe ato ku ka rritje të nivelit të ujit, përfshirë rrugën Malishevë–Gjilan, Livoç i Poshtëm dhe i Epërm, rrugën “Enver Miftari” dhe zonat pranë lumenjve.
Kryetari i lut të gjithë qytetarët të tregojnë kujdes të shtuar dhe për çdo rast emergjent të kontaktojnë qendrën 112.
“Komuna e Gjilanit, mbetet e përkushtuar për të garantuar sigurinë e qytetarëve dhe do të vazhdojë monitorimin e situatës në terren”, tha kryetari Alban Hyseni.
Drejtori për Shërbime Publike, Kushtrim Ibrahimi, tha se në shumicën e lokacioneve situata ishte nën kontroll, por ajo ishte ende në kufijtë e rrezikut.
Ndërsa drejtori pë Mbrojtje dhe Shpëtim, Bejtullah Osmani, ka kërkuar nga qytetarët të jenë të kujdesshëm, si shkak i rritjes së nivelit të ujit në disa zona.
Derisa ka kërkuar nga qytetarët që në raste të tilla të evitojnë zonat ku ka rritje të nivelit të ujit rreth lumenjve dhe të shfrytëzojnë rrugët alternative.