kfvanews
Kryetari i Partisë Demokratike të Kosovës, Bedri Hamza ka reaguar pas dështimit të zgjedhjes së Glauk Konjufcës, kryeministër i vendit.
Ai ka kërkuar nga Presidentja Vjosa Osmani që sa më shpejt ta caktojë datën e zgjedhjeve, shkruan Gazeta KFVA.
“Dështimi i njëpasnjëshëm i dy mandatarëve tregon qartë se qeveria aktuale e ka humbur mbështetjen politike. Shumica që doli nga zgjedhjet e fundit është treguar e paaftë t’i krijojë institucionet e reja, duke shkaktuar pasiguri institucionale, politike dhe shtetërore. Sot e kemi vetëm një rrugë të përgjegjshme përpara: zgjedhjet e reja. Presidentja e vendit duhet ta caktojë sa më shpejt datën e tyre, sepse mjaft kohë kemi humbur.”, ka shkruar ai.
Hamza tha se qytetarët duhet ta rikthejnë stabilitetin institucional përmes votës së tyre, në mënyrë që ne ta krijojmë një qeveri funksionale, reformuese dhe të përgjegjshme.
“Koha e fjalëve të mëdha ka përfunduar. Ka ardhur koha për një qeveri që punon.”, ka shkruar ai.
