Kryetari i Nisma-s, Fatmir Limaj, para fillimit të seancës për formimin e Qeverisë së Kosovës para mediave e ka konsideruar seancës e orës 11:00 si tentativë për të përmbysur praktikat parlamentare.
“Është një shkelje ligjore ajo çka ka ndodhur sot në parlament , është një tentim për përmbysur praktikat parlamentare të ndërtuar dhe të konsultuar në demokracinë e Kosovës”, tha Limaj, raporton KFVA.
Ai e ka konsideruar si tallje dhe prishje e traditës së ndërtuar në institucione.
“Kjo është një tallje mënyra se si tentohet të përmbyset krejt ajo traditë mirë e ndërtuar në Kosovë”, tha ai.
“Ne jemi në një lojë të thjeshtë…Sot është fatkeqësi, një gjë nuk është dashur t’i ndodhte demokracisë dhe shtetit të Kosovës. Kjo është një tallje. Me pas për një mend shqetësimin e qytetarëve, e atyre që rrezikojnë të mos i marrin pagat, dhe funksionimin e mirëfilltë të shtetit, partitë politike tash e 8 muaj do të ishin mbledhur dhe do e kishin bërë edhe një buxhet me konsensus edhe një qeveri me konsensus të përkohshme, dhe nuk do të kishin keqtrajtuar e malltretuar qytetarët. Kështu të gjithë ata që bëjnë thirrje, gjoja në emër të asaj të interesit nacional, ka hipokrizi të madhe.”, tha Limaj para gazetarëve.
Sipas tij, VV-ja ka bërë një lojë të paskrupullt dhe tërësisht elektorale.