Kryediplomati i Gjermanisë, Johann Wadephul, do të qëndrojë sot për vizitë në Kosovë, në kuadër të turit në të gjashtë shtetet e Ballakanit Perëndimor.
Wadephul do të takohet me Presidenten Vjosa Osmani dhe Kryeministrin në detyrë, Albin Kurtin, me të cilët do të flasë rreth rrugës së Kosovës drejt Bashkimit Evropian, shkruan KFVA.
Përmes një video nga aeroplani, ai ka thënë se Gjermania mbështet të gjitha vendet në rrugën e tyre drejt BE’së.
Ai ka theksuar se kanë vërejtur përparim në përmbushjen e kritereve nga Mali i Zi dhe Shqipëria.
Pas vizitës në Shqipëri, Johann Wadephul, ka deklaruar se në asnjë shtet në rajon, mbështetja për BE-në dhe orientimi evropian nuk është aq i fuqishëm sa në Shqipëri.
Wadephul ka thënë se do ta mbështesin Shqipërinë në këtë rrugë.