Komuna e Prishtinës ka njoftuar se nesër procesi mësimor do të rifillojë normalisht në të gjitha institucionet edukativo-arsimore të qytetit dhe fshatrave.
Sipas vlerësimit të Shtabit Emergjent dhe të dhënave nga Instituti Hidrometeorologjik i Kosovës, situata është konsideruar e qëndrueshme për zhvillimin e mësimit.
Komuna bëri të ditur se ekipet emergjente po punojnë në terren për të siguruar që infrastruktura shkollore të jetë plotësisht e gatshme.
Njoftimi:
Nesër, procesi mësimor rifillon normalisht në të gjitha institucionet edukativo-arsimore të qytetit dhe të fshatrave të Prishtinës.
Bazuar në vlerësimin e Shtabit Emergjent, informacionet e fundit nga Instituti Hidrometeorologjik i Kosovës dhe koordinimin me drejtoritë përkatëse të Kryeqytetit, është konstatuar se situata është e qëndrueshme për zhvillimin e rregullt të mësimit.
Intensiteti i reshjeve gjatë natës pritet të bie dukshëm sipas vlerësimeve të fundit të IHMK-së, ndërsa ekipet emergjente janë në terren dhe po sigurohen që infrastruktura shkollore të jetë plotësisht e gatshme.
Faleminderit për mirëkuptimin dhe bashkëpunimin e të gjithë prindërve, nxënësve dhe mësimdhënësve të Kryeqytetit.