Zohran Mamdani, kryetari i ri i qytetit të New Yorkut, ripërsëriti kritikat në adresë të kryeministrit izraelit, Benjamin Netanyahu, disa orë pas takimit të kryebashkiakut në largim, Eric Adams, me liderin izraelit, ku e nxiti atë të merrte pjesë në inaugurimin e ardhshëm të Mamdanit.
Në muajin nëntor të vitit të kaluar, Gjykata Ndërkombëtare Penale (ICC) – Dhoma Paraprake I – lëshoi urdhërarrestime për Netanyahun dhe ish-ministrin e Mbrojtjes, Yoav Gallant, duke i akuzuar për përdorimin e urisë si metodë lufte dhe për kryerjen e krimeve kundër njerëzimit, duke përfshirë vrasje dhe përndjekje.
Gjatë një shfaqjeje direkte në ABC7, Mamdani tha se takimi i Adams me Netanyahu nënvizon atë që ai e sheh si një hendek midis shqetësimeve urgjente të qytetit dhe veprimeve simbolike të politikës së jashtme, duke shtuar se banorët e New Yorkut “janë të dëshpëruar për një administratë” që fokusohet tek nevojat e tyre të menjëhershme.
“Banorët e New Yorkut janë në prag të përjashtimit nga qyteti që e quajnë shtëpi, dhe veprimet e tij kanë pak lidhje me krizën e përballueshmërisë. Ato tregojnë, në fakt, pse banorët e New Yorkut janë kaq të dëshpëruar për një administratë të re, një që do të fokusohet tek nevojat e qytetit dhe do të përpiqet të dëgjojë banorët e klasës punëtore për atë se çfarë nevojash kanë, në vend që të përqendrohet tek kriminelët e luftës”, tha ai.
Mamdani, i cili dha të njëjtën premtim vitin e kaluar, ka përshkruar herë pas here operacionin ushtarak të Izraelit në Gaza si gjenocid.
“Të jesh një qytet që respekton ligjin ndërkombëtar do të thotë të përpiqesh të mbash ligjin ndërkombëtar. Kjo do të thotë respektimin e urdhër-arresteve nga Gjykata Ndërkombëtare Penale, qoftë për Benjamin Netanyahu apo Vladimir Putin”, deklaroi 34-vjeçari
Ndryshe, Adams do të largohet nga detyra më 1 janar pas fitores së Mamdanit në zgjedhjet për kryebashkiak më 4 nëntor.
Mamdani, 34 vjeç, është kryebashkiaku i parë musliman dhe i parë nga Azia Jugore në qytetin më të madh të Shteteve të Bashkuara.