Ukraina do të marrë deri në 100 avionë luftarakë Rafale F4 të Francës, si dhe sisteme të përparuara të mbrojtjes ajrore, në një marrëveshje të rëndësishme për të rritur aftësinë e Kievit për t’u mbrojtur nga sulmet vdekjeprurëse ruse.
Presidenti ukrainas, Volodymyr Zelensky, e përshëndeti këtë veprim si “historik”, pasi nënshkroi letrën e qëllimit me homologun e tij francez Emmanuel Macron në një bazë ajrore pranë Parisit.
Dorëzimet e Rafale F4 janë planifikuar të përfundojnë deri në vitin 2035, ndërsa prodhimi i përbashkët i dronëve interceptorë do të fillojë këtë vit.
Detajet financiare ende nuk janë përcaktuar, por raportet thonë se Franca planifikon të tërheqë financim nga BE dhe gjithashtu të ketë qasje në asetet e ngrira ruse – një veprim i diskutueshëm që ka përçarë bllokun me 27 anëtarë.