Ushtarë nga Letonia, së bashku me personel të Aviacionit të Ushtrisë së Shteteve të Bashkuara të caktuar në Komandën Rajonale Lindje të misionit të udhëhequr nga NATO, KFOR, kanë zhvilluar trajnim të specializuar për transport me rrip ngritës në “Camp Novo Selo”.
Sipas KFOR-it, trajnimet e tilla janë thelbësore për të siguruar aftësi të shpejta dhe të sigurta të transportit të furnizimeve jetike edhe në kushte të vështira. “Sling load training u mundëson njësive të aviacionit të KFOR-it të transportojnë pajisje dhe materiale thelbësore me shpejtësi dhe siguri, duke rritur saktësinë dhe efikasitetin operacional,” thuhet në njoftim.
Aktivitetet synojnë gjithashtu forcimin e ndërveprimit mes elementeve shumëkombëshe të misionit. “Këto trajnime bazë garantojnë që forcat e KFOR-it të mbeten të gatshme për mision dhe të afta t’u përgjigjen me efikasitet nevojave logjistike në rrethana dinamike,” thekson më tej misioni.