Kryetari i Prishtinës, Përparim Rama, pasi fitoi edhe një mandat në krye të kësaj komune, uroi të gjithë qytetarët e kryeqytetit për këtë fitore.
Në festën e LDK-së në sheshet e Prishtinës, Rama tha se Prishtina sot zgjodhi zhvillimin, e jo bllokimin.
“Sot është fitore e të gjithë qytetarëve të kryeqytetit, sot është fitore e të gjithë Kosovës. Prishtina tregoi që do zhvillim, Prishtina tregoi që nuk do bllokim, pra shkojmë përpara drejt të djathtës së zhvillimit”, u shpreh Rama.
Pos tjerash, Rama tha se Prishtinën, po e bëjnë metropol, duke përmendur njëherazi edhe projektet që ai pritet t’i përfundojë në katër vjetët e ardhshme.