Sot në Kosovë po zhvillohet rundi i dytë i zgjedhjeve lokale, ku qytetarët e Prishtinës po zgjedhin kryetarin e ri mes kandidatit të Lidhjes Demokratike të Kosovës, Perparim Rama, dhe kandidatit të Lëvizjes Vetëvendosje, Hajrulla Çeku.
Sipas burimeve të sigurta brenda Komisionit Qendror të Zgjedhjeve, të cilat kanë folur për gazetën KFVA, deri në orën 16:00 avantazhin e mban Perparim Rama i LDK-së, i cili po prin në numër të votave krahasuar me kundërshtarin e tij nga VV.
Procesi i votimit është ende duke vazhduar në kryeqytet dhe rezultatet mund të ndryshojnë me hyrjen e votave të tjera, përfshirë dhe ato nga qendrat me pjesëmarrje të lartë. KQZ pritet të japë të dhënë zyrtare pas përfundimit të votimit dhe fillimit të numërimit të plotë të votave.
Gazeta KFVA do të vijojë të raportojë në kohë reale për çdo zhvillim.