Fushë Kosova sot po zhvillon rundin e dytë të zgjedhjeve lokale, ku qytetarët po votojnë mes dy kandidatëve për kryetar të komunës: Valon Prebreza nga Lëvizja Vetëvendosje dhe Besnik Osmani nga Lidhja Demokratike e Kosovës.
Burime të sigurta brenda Komisionit Qendror të Zgjedhjeve kanë bërë të ditur për gazetën KFVA se deri në fazën aktuale të procesit, Valon Prebreza i VV-së po kryeson me vota ndaj kandidatit të LDK-së, Besnik Osmani.
Procesi i votimit dhe grumbullimi i të dhënave po vazhdon, ndërsa rezultatet zyrtare priten të konfirmohen nga KQZ pas mbylljes së qendrave të votimit dhe fillimit të numërimit të plotë të votave.
Gazeta KFVA do të vazhdojë raportimet me të dhënat më të reja për këtë garë.