Ka disa detaje të reja rreth sulmit të Rusisë gjatë natës në Ukrainë.
Rusia qëlloi gjithsej 458 dronë dhe 45 raketa, përfshirë 32 raketa balistike, duke goditur 25 vende të ndryshme në të gjithë vendin, sipas zyrtarëve ukrainas.
Ukraina arriti të neutralizojë 406 dronë dhe nëntë raketa.
Volodymyr Zelensky tha se numri i dronëve të kapur ishte një “rezultat i rëndësishëm” për forcat e mbrojtjes.
“Lufta elektronike bëri punën e vet”, tha ai, duke ia dhënë meritën njësive të sistemeve pa pilot, aviacionit ushtarak dhe grupeve të lëvizshme të zjarrfikësve.
Ai shtoi se rrëzimi i raketave është “jashtëzakonisht i vështirë” dhe se vetëm disa sisteme në botë janë të afta t’i kapin ato në mënyrë efektive.
“Dhe për të mbrojtur të gjithë territorin tonë, na duhen shumë më tepër nga këto sisteme dhe raketat për to”, duke shtuar se po punonte me SHBA-në për të blerë më shumë.