Deputeti nga Partia e Ashkalinjëve për Integrim, Artan Asllani ka deklaruar se do ta mbështesë Glauk Konjufcën për Kryeministër, përcjell Gazeta KFVA
Asllani bëri të ditur se ka pasur takime me të, dhe se Kosovës i duhet formimi i Qeverisë sa më shpejt.
“Po do ta mbështesë. Kemi pas takime jo vetëm pasi që është nominuar për Kryeministër, por kemi pas takime, kemi pas kontakte, unë besoj qe Kosovës i duhet një Qeveri sa më shpejt me i formu institucionet dhe ne duhet me reflektu”, tha ai për Front Online.
Ndërkaq, presidentja Vjosa Osmani gjatë të hënës ka mandatuar, Konjufcën për formimin e Qeverisë së Kosovës, pasi Këshilli i Përgjithshëm i VV’së e ka caktuar atë si mandatar për Kryeministër, ndërsa seanca për formimin e Qeverisë duhet të mbahet jo më larg se 19 nëntori.
Në seancën e 26 tetorit për formimin e Qeverisë së re, Albin Kurti dështoi të zgjidhet Kryeministër pasi që morri vetëm 56 vota për, 52 kundër dhe 4 abstenime.