Një person ka përplasur me veturë disa persona në ishullin francez Ile d’Oleron, ndërsa raportohet se dy persona janë aktualisht në kujdes intensiv. Lidhur me rastin një person është arrestuar, konfirmoi Ministri i Brendshëm i Francës, Laurent Nunez, përcjell Reporteri.net.
Sipas tij, disa të tjerë u lënduan pasi shoferi i veturës goditi këmbësorë dhe çiklistë.
Thibault Brechkoff, kryebashkiaku i Dolus-d’Oleron, tha se i dyshuari, një burrë në të tridhjetat, bërtiti “Allahu Akbar” (në arabisht: Zoti është më i madh) kur u ndalua.
Arnaud Laraize, prokurori publik në La Rochelle, i tha gazetës Sud Ouest se i dyshuari i “rezistoi arrestimit” dhe “u neutralizua me armë elektroshoku”.
Ai shtoi se i dyshuari ishte i njohur për vepra të vogla, si vjedhje, por nuk ishte në listën e personave të konsideruar si kërcënim për sigurinë kombëtare.