Kryetari i Vetëvendosjes, Albin Kurti ka propozuar Glauk Konjucën mandatar të dytë për kryeministër të Kosovës, shkruan KFVA.
Por, as Konjufca nuk pritet të ketë mbështetja nga partitë e tjera.
Shefja e grupit parlamentar të AAK-së, Time Kadrijaj ka konfirmuar për Periskopin se nuk do ta votojnë Glauk Konjufcën.
“Jo, nuk e votojmë”, tha Kadrijaj për Periskopin.
Ndryshe, lideri i LDK, Lumir Abdixhiku ka thënë se kjo është shfaqje teatrale.
“Kjo shfaqje teatrale, e mandatarëve pa numra, pa shumicë e pa legjitimitet demokratik, duhet të marrë fund. Republika nuk është material loje për llogaritje të vogla elektorale. Republika mbetet më e madhe se secili prej nesh”, shkroi ai mes tjerash
Ndërsa, deputetja e PDK-së Blerta Deliu tha se kjo është lojë për të fituar kohë, duke shtuar se zgjedhjet janë zgjidhja.
“Mandatari i ri pa shumicë është thjesht një lojë për të fituar kohë. 9 muaj dështim nuk mund të mbulohet me taktika politike. Zgjedhjet janë zgjidhja”, shkroi Deliu