Kryetari i Aleancës për Ardhmërinë e Kosovës, Ramush Haradinaj, nuk ka shkuar në takim me presidenten Vjosa Osmani të martën.
Sipas zëdhënësit të kësaj partie, Kushtrim Xhemailit, Haradinaj kishte aktivitete për garën e balotazhit.
“Ka pasur propozim për takim, por kryetari Haradinaj gjatë ditës ka aktivitete në terren në kuadër të fushatës për balotazh”, ka thënë ai.
Osmani ka takuar edhe kryetarin e PDK-së, Memli Krasniqi e atë të LDK-së, Lumir Abdixhiku.
