Agjencia e Ushqimit dhe Veterinarisë ka njoftuar se në Itali është raportuar praninë e sëmundjes Avian Influenza (Gripi i Shpezëve), serotipi HPAI–H5N1, në ferma komerciale dhe tek shpezët e egra në regjionet Emilia-Romagna dhe Lombardia.
Informacioni bazohet në raportin e fundit të Organizatës Botërore për Shëndetin e Kafshëve (WOAH) dhe raportin e Komisionit Evropian të datës 4 nëntor 2025.
Në përputhje me ligjin dhe masat parandaluese për mbrojtjen e shëndetit të kafshëve dhe sigurisë ushqimore në Kosovë, AUV ka vendosur ndalimin e importit të kafshëve të gjalla, shpezëve dhe produkteve të tyre që vijnë nga zonat e infektuara të Italisë.
Përjashtim bëhet vetëm për prodhimet që vijnë nga fermat e pa prekura brenda një rrethi prej 50 km nga zonat e infektuara.
Ky vendim hyn menjëherë në fuqi dhe do të mbetet në zbatim deri në një vlerësim të ri të situatës nga autoritetet ndërkombëtare dhe AUV.
Agjencia e Ushqimit dhe Veterinarisë ka bërë të ditur se do të monitorojë situatën epidemiologjike dhe do të bashkëpunojë ngushtë me institucionet vendore dhe ndërkombëtare për parandalimin e përhapjes së sëmundjes. Publiku dhe operatorët ekonomikë do të informohen në kohë për çdo ndryshim eventual.