kfvanews
Bosi turk i kriptomonedhave Faruk Fatih Özer, i cili u kap dhe u ekstradua nga Shqipëri në Turqi, është gjendur i vdekur në qelinë e burgut.
Mediat turke raportojnë se zyra e Prokurorit Publik të Tekirdagut ka nisur një hetim për incidentin.
Trupi i Özerit u dërgua në Institutin e Mjekësisë Ligjore për autopsi.
Faruk Fatih Özer u dënua nga Gjykata e Stambollit me 11,196 vjet burg. Ai u akuzua për mashtrim të 391 000 qytetarëve, nëpërmjet kriptomonedhave, me dëm ekonomik 2 miliardë dollarë. Hetimi i gjerë, i cili implikoi vëllezërit e motrat e Özer dhe katër punonjës të lartë të Thodex, çoi në arrestimin e të paktën 83 individëve. Gjatë gjykimit të mëpasshëm, 21 të pandehur u përballën me mundësinë e deri në 40.564 vjet burg.
Në vendimin e fundit të Gjykatës së 9-të të Penale të Anadollit, 16 nga 21 të pandehurit u shpallën të pafajshëm dhe katër nga shtatë personat e ndaluar më parë u liruan për shkak të provave të pamjaftueshme. Të pandehurit e mbetur morën dënime të ndryshme burgimi.
Faruk Ozer i arratisur prej muajit prill të vitit 2021 akuzohej në Turqi se në bashkëpunim me persona të tjerë ngriti një skemë mashtrimi nëpërmjet krijimit dhe shitjes së monedhave virtuale përmes kompanisë që vetë ai themeloi duke mashtruar rreth 400 mijë persona që investuan në platformën e tij, tashmë të mbyllur.
